hyundai Motors UZ Daewooni sotib oladimi?

Hyundai Motors Corp. Uz Daewoo Autoda o'z ulushiga ega bo'lish niyatida ekanligi haqida eshitgandim. (UzDaewoo nosog'lom iqtisodiy holat haqida oldin ham yozgandim)Yozda chiqqan mish-mishlarni yaqinda Hyundai Motors rahbariyati ham tasdiqladi. Vzglyad internet nashri xabariga ko'ra, hamkorlik to'g'risidagi shartnoma shu yil oxiri-yanagi yil boshlarida imzolanishi mumkin. O'zbek tarafini o'ylantirayotgan asosiy muammo avvalgi Daewoo modellari bilan nima qilish kerakli muamosidir. Menimcha eng yaxshi yo'l, shartnomada zavod O'zbekiston ixtiyorida qolib, chiqarilgan Hyundai mashinalarini Hyundai o'z hohishiga ko'ra sotishi (O'zbekiton hududida ham) ko'rsatilsin. Yani bu ko'proq outsourcingga o'xshab ketadi.

Fransiyada o'tgan asr boshidagi armanlar genosidi siyosiylashi ketib, Turkiya bilan munosabatlarga rahna solayotgan bir vaqtda, mashhur turk yozuvchisi, genosid masalasida o'ziga xos Turkiya hukumati rasmiy qarashi bilan mos bo'lmagan fikr egasi Orhan Pamuk adabiyot bo'yicha Nobel mukofotiga sazovor bo'ldi.

welcome back! biz yana online!

Bir necha oylik sargardonlikdan so'ng yana aziz mushtariylarimizni siyosat, madaniyat va iqtisod sohasida so'nggi yangiliklar bilan tanishtirishni davom ettirmoqni ixtiyor ettik. Ammo avvalgi tafakkur yolqinlaridan farqli o'laroq endi bir qadar o'z mulohazalarimiz bilan o'rtoqlashishni ko'paytirish niyatidamiz. Bizning fuqarolik va insoniy o'zligimiz shuni taqozo etmoqda. Tabiiyki, mulohazalarimiz tanqidiy nuqtai nazardan bo'lishi mumkin. Bu degani yozganimizdan maqsad - birovning mosuvosini chiqarish emas, balki jamiyatimizda mavjud muammolar va yutuqlarga o'z nuqtai nazarimizni bildirishdir. Zero, faqatgina o'zaro yaratuvchi g'oyalarni tahlil etish va ularni tanqid tig'ida charxlash ularning raqobatbardoshligini va inson manfaatlariga mosligini oshiradi. Eski haqiqatlarimizni yangi sharoitlarda muntazam tahlil va tanqid qilib turmasak, afkor omma ko'z o'ngida mulzam bo'lishimiz tayin. Bu borada siz ham o'z fikr-mulohazalaringiz bilan o'rtoqlashish maqsadingiz bo'lsa, buni faqat qo'llab-quvvatlaymiz.

ishoratlar

WaPo Rossiyada yoshlar qanday qilib siyosatga kirib kelayotgani haqida yozadi.

Monde Diplomatique jahon chempionati va umuman futbol haqida

xabarlar 13.06.06

Kommersant xabariga ko'ra, Moskva shahar sudi Dubaiga o'zbekistonlik qizlarni prostitutsiya maqsadlarida jo'natish bilan shug'ullangan 28 yoshli Pavel Golenko (Павел Голенко) 8 yilga ozodlikdan mahrum qilingan.

Nimagadir oxirgi paytlari Kollektiv xavfsizlik shartnomasi tashkiloti Bosh kotibi Nikolay Bordyujaning Toshkentga tashriflari ko'payib qoldi...

Shanxay Hamkorlik Tashkilotining navbatdagi sammiti oldidan O‘zbekiston Respublikasi Prezidenti Islom Karimov xitoylik jurnalistlarga intervyu berdi.

Shu yakshanba kuni Qozog'iston o'z prezidenti N.Nazarbayev va Rossiya Federatsiyasi Prezidenti V.Putin ishtirokida Baykonur kosmodromidan Rossiyadagi Khrunishev Markazida tayyorlangan KazSat 1 sun'iy aloqa yo'ldoshini fazoga uchiradi. 2008 yilgacha KAzSat 2ni, 2012 yilgacha 4 aloqa yo'ldoshi va 4 yerni o'rganish yo'ldoshlari (Rossiya bilan birgalikda) uchirilishi ko'zda tutilgan.

xabarlar 8.06.06

Bugun Wayne Rooney Manchesterdan Germaniyaga uchib ketganligi xabar qilinmoqda. Angliyada birinchi raqamli xabarga aylangan Rooney taqdiri hozircha baribir noma'lum, shifokorlar uni faqatgina guruh bosqichidan so'ng maydonga tusha olishi mumkinligini aytishmoqda. Bu taxminan 25 iyunlarga togri keladi. Agar Sven-Goran Eriksson uni tarkibga qo'shsa, Jermain Defoe Germaniyani tark etishiga to'gri keladi.

Dunyo OAVlari bosh sahifalarida esa Iroqning yangi bosh vaziri Nuri Al-Malikining zamonamizning eng vahimali terroristlaridan biri Abu Musab al-Zarqawi Bog'dod yaqinida o'ldirilganligi to'g'risidagi xabari joy olgan.

Uzreport xabariga ko'ra, yanagi yil bahoridan boshlab Baltic Beverages Holding AB (BBH) Toshkentda o'z pivo mahsulotlarini (shu jumladan, mashhur Baltika pivosini) ishlab chiqarish niyatida ekan. U mahalliy Sarbast Plus firmasi bilan birgalikda qo'shma korxona ochmoqda.

MDH davlatlari boyocha birinchi chorak statistik natijalari e'lon qilingan. Unda Ozarbayjon rekord natijani qayd etgan- YIM 38.5%, sanoat ishlab chiqarishi esa 45.5% o'sgan. Belarus (10.3), O'zbekiston(3.6), Tojikiston(4.7), Armaniston (9.8), Rossiya, Qirg'iston(1.8) va Ukrainada (2.7) o'sish qayd etilgan.

kim BMTga boshliq bo'ladi?

Foreign Policy web-saytida shu yil oxirida BMT bosh kotibligidan ketadigan Kofi Annan o'rniga kim saylanishi haqida taxminlar bilan tanishingiz mumkin. An'anaga ko'ra navbat osiyoliklarga, ular 1971 yildan buyon (Birmalik U Tan bosh kotiblikka sazovor bo'lgan so'nggi osiyolik edi) bu martabali lavozimni orzu etib kelishadi. Shuning uchun ro'yxatda bir yo'la uch osiyolik- Shri Lankalik Jayantha Dhanapala, Janubiy Koreyalik tashqi ishlar vaziri Ban Ki Moon, Tailandlik Surakiart Sathirathai hamda osiyo-yevropa o'rtasida halak bo'layotgan Turkiya fuqarosi, hozirgi UNDP rahbari Kemal Dervish ushbu martabaga erishish uchun imkoniyatlari katta hisoblanmoqda.
Ro'yxatda yana Aleksander Kwasniewski, Vaira Vike-Freiberga va hattoki Bill Clinton o'rin olgan.

Kecha Britaniyaning so'l markazchi The Independent gazetasi yozari Simon Tisdall diktatorlar klubining qaytarib bo'lmas o'sishi (Irresistible rise of the dictators' club) deb nomlangan maqolasida Shanxay Hamkorlik Tashkiloti sammiti oldidan tanqidiy mulohazalarini e'lon qilgan. Maqola qiziq. O'quvchilar fikri undan ham qiziqroq.

noyob ovozlar

The Reflection Cafe blogida tarixiy ovozlar saylanmasi e'lon qilingan. Unda siz o'tgan asrning noyob ovozlarini (Mahatma Gandhi, Stalin, Churchill va hakozo) tinglashingiz mumkin.

hukumatga ishoch AsiaBarometer nigohida

Central Asia-Caucasus Analystda taniqli tadqiqotchi Timur Dadabayev (Tokyo Universiteti, ayni vaqtda Angliyada tadqiqot olib bormoqda) 2005 yil kuzda Markaziy Osiyo davlatlarida Asiabarometer loyihasi tomonidan o'tkazilgan ijtimoiy so'rov natijalarini tahlil etadi. So'rov natijalariga ko'ra Markaziy Osiyo davlatlarida, shu jumladan O'zbekistonda ham, markaziy va mahalliy hokimiyatga ishonch ancha past darajada. Hukumatning korrupsiyaga qarshi kurash, ishsizlikni yo'q qilish, va boshqa iqtisodiy muammolarni hal qilish borasida harakatlari so'ralganlarning ko'pchiligini qoniqtirmaydi, deyiladi tadqiqotda.